الإدمان

 

مشكله انهارده بيعاني منها معظم الشباب وهي "الإدمان "

بقلم :إلهام عبدالباسط 

الادمان دا نقدر نقول انه حاجه ممتعه وسهله جدا بتمارسها وبتخرج فيها كل طاقتك وتحط فيها كل تركيزك وبيدور حوليها كل تفكيرك وخيالك عشان تحس بشعور مؤقت حلو عالمدى القريب او تهرب من مشاعر او احاسيس سلبيه ومسؤليات او ضغوط.. بس بينك وبين نفسك بتكون بتتعذب من جواك ومش راضي عن نفسك، ومهما حاولت تبطل بترجع تاني وتنتكس مع انك عارف كويس تأثيرها عليك وضررها لانك بتبقى متخدر ..

وبتتجنب بيه اللي مفروض تعمله لانك شايف انه صعب وملل ونتيجته بتبان عالمدى البعيد.. 

لحد دلوقت في ناس لسا فاكره ان كلمه ادمان معناها ادمان مخدرات او سجاير .. مع ان الادمان حجات كتير جدا زي انك تدمن Social media او YouTube او تدمن اكل سريع غير صحي او Video Games او حلويات وسكر او نوم كتير او مواقع مش تمام او شهره واهتمام او عادات غلط او مدمن احلام يقظه تفكير كتير وتخيلات سواء فاللي فات او اللي جي .. الخ، باختصار تكون بتعمل حاجه بشكل متكرر وعارف انها بتأذيك بس مش قادر تبطلها مهما حاولت كانك مسجون فسجن جواك ومتسلسل بسلاسل ، واللي لحد دلوقت كتير مش فاهم ان الحجات دي تأثيرها علينا مرعب وبشع زي المخدرات بالحرف واكتر 

يا ترا اي اللي ممكن يخلي حد يُفَضِل حاجه صعبه وممله ومتعبه على حاجه سهله وممتعه..

او حاجه جايزتها فوريه على حاجه جايزتها بعيده،

حاجه تخيلها روتيني ممل .. على تخيل حاجه ممتعه

ليه شخص يفكر فالضغوط لما ممكن يهرب منها تماما وينسى وجودها من الاساس !

لو هنتعامل مع الادمان كانه مرض خطير بيوصل للاكتئاب وغيره، طيب يا ترا ايه العلاج ؟ هل في معادله طيب لو فهمناها نقدر نحل ونكسر السجن دا ؟

طيب وحده وحده هوا الادمان دا بيحصل فين؟

فالعقل 

حد فكر للحظه ان ممكن العقل " اذكى مخلوق على وجه الكوكب " يكون غبي لدرجه انه مش قادر يفرق بين الخطر الحقيقي والمزيف الوهمي؟

انه الجزء المادي المتطور بشكل عجيب دا يكون فنفس الوقت بدائي ومتخلف لدرجه ان كل وظيفته انه يحميك ويحافظ على وجودك بس، ومش بيقدر يفرق بين الخطر الوهمي والحقيقي

هل ممكن يكون عقلك كل دا بيخدعك او بيتحكم فيك انتا تحت مسمى حفظ طاقتك؟

هتقلي مين " انتا ".. ما انا هوا عقلي !

هقلك لا.. انتا مش عقلك، انتا نفس ومعنى " نفس " هيا ناتج اتحاد { روحك } مع { جسدك } 

روحك هيا سر حياتك اللي من عند ربنا واللي انا مؤمن ان صوت ضميرك واحساسك هوا صوت روحك ولغتها

اما عقلك فهوا ذكاء نقي ومعجزه كبيره { الـ لاوعي } وهوا جزء من جسمك ولغته الكلام..

واما نفسك فصوتها الافكار ودي لغتها وهي بتمثل { الوعي } وهي اللي بتسيطر وتتحكم وتوجه جسمك حسب نوعها.

يمكن الصراع اللي بيحصل جواك زي انك تشرب سيجاره او تمارس عاده غلط وصوتين يظهروا، صوت يقلك عادي مش هتضر مره واحده ودي هتكون آخر مره.. وصوت تاني يقلك لا بلاش عايزين نبطل ارجوك.. يمكن الصراع دا مش بيكون بين عقلك وعقلك زي ما كنا فاكرين،

الصراع دا ب

يمكن المعادله اللي محتاجين نفهمها هيا:-

{ (جسد) + (روح) = ±(نفس) }

•ودا معناه ان نفسك قابله انها تكون ve- او ve+

وكلنا عارفين دا

بس عشان تفهم ليه مطلوب تزكي نفسك وايه الفايده ؟ وانتا كـ انسان ايه اللي بيميزك عن باقي مخلوقات ربنا، لازم تفهم ايه هيا الأمانه اللي ربنا عرضها على كل خلقه وانتا المخلوق الوحيد اللي قبلها .. لانك ببساطه جاهل ومش فاهم ان الأمانه دي ممكن تكون اه سبب فتميزك عن كل مخلوقات ربنا وسبب فنعيم ابدي، وفنفس الوقت ممكن تكون سبب هلاكك لو مش مدرك قيمه الامانه دي بالذات ومش مدرك خطورتها وليه الكل رفضها..

•اللي هقوله دا اجتهاد والله اعلى واعلم، ان كان صواب فهو من فضل الله وان كان خطأ فهو نقص من عندي 👐🏽..

الأمانه هيا { حريه الاراده والاختيار } ايوا زي ما قريت كدا .. {القدره على انك تكون مخير انك تعبد ربنا او تشرك بيه } او {انك تكون مٌسير}، ربنا عرض على كل مخلوقاته العرض دا وكلهم اختاروا انهم يكونوا مسيرين لعبادته لخوفهم انهم ميكونوش قد الامانه الكبيره دي .. افرض ضلوا ومعبدوش ربنا !!

العرض كان انك تكون مخير والمقابل لو نجحت وعبدت ربنا حق عبادته وكنت قد الامانه فالجايزه عظيمه جدا وهيا الجنه 💚

اما لو خنت الامانه وكفرت وبعدت عن ربنا فالعقاب عظيم بردو وهوا النار 🔥 

هتقلي ايوا {وَحَمَلَهَا الْإِنسَانُ ۖ} مين الانسان بقى اللي وافق ؟ سيدنا آدم عليه السلام ؟ 

هقلك كل انسان، انتا .. ايوا انتا اللي وافقت

هتقلي لا ثواني انا متعرضش عليا حاجه وموافقتش على حاجه 

هقلك ربنا عرض عليك انتا شخصيا ووافقت 

هتقلي امتى دا انا مش فاكر ؟

هقلك كونك مش فاكر دا مبينفيش انه حصل، وانتا طفل مثلا عندك شهر ومامتك بتقلك فاكر لما كسرت الكبايه الازاز وانتا صغير وقعدت تضحك؟ بتقلها لا مش فاكر دا نهائي.. هل دا بينفي انك كسرتها فعلا لانك مش فاكر ؟

نفس الشي .. انا وانتا وكلنا واي انسان موجود او اتوجد او هيتوجد فالدنيا دي هوا عباره عن نفس اتعرض عليها العرض دا ووافقت 

انتا وافقت انك تعبد ربنا بإرادتك، ف انتا بتعمل ايه دلوقت ؟؟ هتقلي ليه ربنا منسيني حاجه مهمه زي دي ؟ هقلك ما دا جزء من العرض والاختبار اللي انتا وافقت على كل شروطه بنفسك، واهو ربنا بيفكرك بيه بالسورة ! ورزقك بنعمه العقل وبيرسلك مليون رساله ومليون دليل على انه موجود واديك عرفت ها بتعمل ايه قلي ؟

•بطل تحاول انك تبطل الادمان

بقالك سنين بتحاول تبطل ؟ وعشرات ومئات المحاولات كلها فالنهايه بتفشل ؟ دا لانك بتحاول فالطريق الغلط اساسا... انتا زي اللي عايز يسافر القطب الشمالي وبدأ يتحرك ناحيه الجنوبي !!

لان الادمان مش جزء اساسا من المعادله، الادمان دا نتيجه دا العرض مش المرض .. 

نتيجه مشاكل وعقد قديمه مش عارف تعبر عنها، ان معادلتك طلعت (-نفس ) او بمعنى ادق ( نفس اماره بالسوء )

عايز تمشي صح قرب من ربنااا

فقيدتي أمي 💔