الاستاذه فرح الجمل

 

فرح الجمل.

طالبة في المدرسة الفنية الفندقية المتقدمة 5 سنوات.

طالبة في الصف الخامس.

محافظة كفرالشيخ

كتب:احمد بحيري. 

بدأت فرح مجال ال Freelance من اربع سنين بالظبط في المجالات التالية:

التعليق الصوتي - كتابة المحتوى - تصميم الجرافيك.

وبفضل الله المجالات دي كانت هواية محببه لقلبها وده خلها تمارسها بشكل دائم من وهي صغيره بشكل غير مباشر بعض الشيء لحد ٤ سنين ونص بالظبط لما مجال الدراسي بقى سياحة وفنادق اكتشفت ان ده اتاح ليها وقت فراغ كويس ساعدها جدا انها تتعلم وتتشجع وتخرج موهبتها للنور وفي اشخاص ليهم فضل كبير بعد ربنا سبحانه وتعالى ساعدوها ف كل المجالات دي سواء ترشيحها الدائم بفضل الله ف مسابقات او عمل مشاريع ونشرها على مواقع التواصل وتشجيعها لانتاجها بشكل مستمر..

بدأ فرح انتاجها الفعلي للمشاريع دي لما بدأت تسجل نصوص لكُتاب وتنزلها ويبعتولها الفيدباك بتاعهم عليها ولما بدات النشر على ابلكيشن الساوند كلاود وصل حاليا عدد انتاج المشاريع ل٧ تراكات صوتية وعدد الاستماع وصل ل ٢٠ ألف مستمع بفضل الله..

وعملت أول برنامج ليها منفرد كتقديم اذاعي ف ٢٠١٩ بعنوان بصمة وده كان من اعدادها وتقديمها على بودكاست انستانت بوست كان بيتقدم في رمضان وبيعالج بعض المشاكل في المجتمع قديما وحديثا وبعده بكذا سنه في ديسمبر ٢٠٢١ عملت تاني برنامج ليها كان حواري مع الخبير المصرفي د. عماد قطارة والي كان ليه الفضل بعد ربنا في تشجيعها على الاستمرار والمساندة دايما وكان ليا الشرف الحديث مع الدكتور أشرف صبحي وزير الشباب والرياضة في حفلة ختام احد الاتحادات الطلابية كمنسق عام لراديو الاتحاد عن انتاجنا برامج الاذاعية لمختلف الاعمار والي بتتكلم عن مجالات متعددة..

وحاليا بدات فرح انها تشارك في اعمال مع بعض منصات البودكاست الشبابية المميزة واخر اعمالها في المجال مع بودكاست بلوتو والي ان شاء الله هيكون متوافق بعض الشيء مع اول برنامج عملته ومن فترة عملت ورشة خاصة بالتعليق الصوتي مع تيم HWC وحضر فيها ما يقارب من ٢٥٠ شخص بشهادات معتمدة من شركة مايكروسوفت ده بخلاف الحفلات والمناسبات المميزة الي بتقوم بتقديمها في محافظة كفرالشيخ..

ده كان بالنسبة لمجال التعليق الصوتي اما بالنسبة لمجال كتابة المحتوى فرح موجودة في المجال الادبي من فترات طويلة جدًا بتكتب مقالات وبتشارك بيها في مسابقات دائمة وبتكتب خواطر أدبية بالدمج مع التعليق الصوتي وبتقدمه على مواقع التواصل الاجتماعي وبالنسبة لمجال التصميم ف بدأت فيه ف نفس الفترة بالظبط الي بتتوافق مع بدايتها ف الكتابة واستغلت حبها للمجالات دي بإنها تربطهم مع بعض واستخدمها استخدام لطيف لتكملة الاعمال الي بتقدمها للجمهور وعدم احتياجها لشخص يقوم بعملو ديزاين مثلا لبودكاست بتقدمه او يكون في مقدم لبرنامح ببتكتبه وده كان بفضل ربنا واهلها لو مكنوش شجعونها مكنتش هوصل للنقطة دي وحاليا فرح شغالة كهيد للجنة السوشيال ميديا لمتطوعي وزَارة الشباب والرياضة محافظة كفر الشيخ واهتمامنا دايما اننا نساعد الشباب ونشجعهم انهم يهتموا بتطوير الذات ف دي كانت فرصة كويسه جدا اني ابدا اشتغل على نفسي اكتر وابحث عن مواضيع وقضايا مهمة من خلال الوظيفة البسيطة الي تم اختياري ليها لإني مؤمنه ان ربنا مش بيحط حد ف مكان غير الإ لو في رسالة محتاجه يوصلها للناس من مكانه ده..

واجهته فرح عقبات كتيرة جدا كانت بدايتها انها صغيرة ومش عارفه تتوجه صح تحديدا انها اول شخص في العيلة يبقى مغرم غرام شديد بالمجالات دي وبيحبها وان المجتمع مش بيتقبل انك يكون عندك هواية وتطورها ف كانت بصراحه المشاكل والعقبات كتيرة وكبيرة قوي على شخص ف سنها لكنها الحمدلله قدرت تعديها وتواجها بشكل سليم واتعلمت كتير جدا خلال رحلتها والي لسه بتعتبرها مبدأتش وما خفي كان اعظم..

فرح بتوجه نصيحة للشباب هي ان مفيش حاجه اسمها مش هتقدر والظروف صعبة وكفاية محاولة لحد كده

لا انت في اي مكان وف اي وقت هتقدر مش كلام تنمية بشرية بس دي حقيقة النفس البشرية ان حياتنا طابعها الكسل ولو اعتمدنا على الكسل واديناله اكتر من حجمه مش هنعرف نعيش عشان كده لازم نتغلب عليه ونحاول نستغل كل فرصة لإنها بتحصل مرة واحده في حياة كل انسان وان لازم يكون هدفنا من الوجود اننا نسيب أثر في أي شيء وأي مكان لإن لا شيء سيبقى للانسان بعدما يرحل سوى سيرته الطيبة عند الآخرين وده كان هاشتاج اطلقته من فترة بعنوان #لعلَّه_يبقى_آثرًا و #ليبقى_الآثر

لعله يكون تذكير و ايقاظ ليا لترك الآثر قبل أي شخص تاني ولعله يكون سبب في هدايتنا وتقربنا من الله عندما ندرك ونستشعر آثر وعظمة الجملتين ودي هي نصيحتي ان لازم نحاول نتعافى من أي شيء سلبي ومؤلم ونتجه إلى الله وندرك عظمة رسائله في حياتنا لإيقاظنا من الغفلة.